नाशिक रोड येथील सोमानी गार्डनच्या दुरवस्थेमुळे नागरिकांमध्ये नाराजीचे वातावरण आहे. गार्डनमधील तलावात मोठ्या प्रमाणात शेवाळ साचले असून परिसरात मोठे गवत वाढले आहे. त्यातच सायंकाळच्या वेळी अनेक LED आणि आकर्षक Lights बंद असल्याने संपूर्ण परिसरात अंधाराचे साम्राज्य पसरलेले दिसून येत आहे.
सोमानी गार्डनमधील तलावाची नियमित Cleaning आणि Maintenance होत नसल्याने पाण्यावर मोठ्या प्रमाणात शेवाळ साचल्याचे नागरिकांचे म्हणणे आहे. तलावातील अस्वच्छ पाण्यामुळे गार्डनच्या सौंदर्यावर परिणाम झाला असून परिसरात दुर्गंधी आणि अस्वच्छतेची समस्याही निर्माण होण्याची शक्यता आहे.
गार्डनच्या विविध भागात मोठे गवत वाढल्याने नागरिकांना फिरताना भीतीचे वातावरण जाणवत आहे. विशेषतः महिला, लहान मुले आणि ज्येष्ठ नागरिकांसाठी वाढलेले गवत आणि अस्वच्छ परिसर चिंतेचा विषय ठरत आहे.
सायंकाळनंतर गार्डनमधील अनेक LED Lights बंद असल्यामुळे परिसरातील काही भाग पूर्णपणे अंधारात जातात. त्यामुळे नागरिकांच्या सुरक्षेचा प्रश्न निर्माण झाला असून रात्रीच्या वेळी गार्डनमध्ये येणाऱ्या नागरिकांना अडचणींचा सामना करावा लागत आहे.
नागरिकांनी प्रशासनाने सोमानी गार्डनची तातडीने Cleaning आणि Maintenance करावी, वाढलेले गवत काढावे, तलावाची स्वच्छता करावी आणि बंद असलेले सर्व दिवे तातडीने सुरू करावेत, अशी मागणी केली आहे.
Somani Garden ची ही अवस्था कधी सुधारणार? प्रशासनाने नागरिकांच्या सुरक्षेचा आणि सार्वजनिक सुविधांचा विचार करून तातडीने उपाययोजना कराव्यात, अशी अपेक्षा व्यक्त होत आहे.
