नाशिक शहरातील मोटारसायकल चोरीच्या प्रकरणात गुन्हे शाखा युनिट-2 ने मोठी कारवाई करत दोन संशयित आरोपींना अटक केली आहे. देवळाली कॅम्प परिसरात सापळा रचून पोलिसांनी दोघांना ताब्यात घेतले.
पोलिसांनी केलेल्या चौकशीत आरोपींनी मोटारसायकल चोरीची कबुली दिल्याची माहिती समोर आली. त्यानंतर आरोपींच्या ताब्यातून ७५ हजार रुपये किमतीची प्लॅटिना मोटारसायकल आणि २५ हजार रुपये किमतीचा विवो मोबाईल असा एकूण एक लाख रुपयांचा मुद्देमाल जप्त करण्यात आला.
या कारवाईमुळे देवळाली कॅम्प पोलीस ठाण्यात दाखल असलेल्या मोटारसायकल चोरीच्या गुन्ह्याचा उलगडा झाला आहे. जप्त करण्यात आलेला मुद्देमाल पोलिसांनी ताब्यात घेतला असून या प्रकरणाचा पुढील तपास सुरू आहे.
गुन्हे शाखेच्या या कारवाईमुळे मोटारसायकल चोरीच्या गुन्ह्याचा छडा लागला असून, अशा प्रकारच्या गुन्ह्यांवर अंकुश ठेवण्यासाठी पोलिसांकडून पुढील तपास आणि आवश्यक कारवाई सुरू असल्याची माहिती देण्यात आली आहे.
