भिवंडीतील धामणका नाका मित्र मंडळाच्या गणेशोत्सवाला भाजपा महिला मोर्चाच्या प्रदेशाध्यक्षा चित्रा वाघ यांनी भेट दिली. यावेळी त्यांनी गणेशोत्सवाच्या आयोजनाची पाहणी करत मंडळाच्या पदाधिकाऱ्यांशी संवाद साधला.
या भेटीदरम्यान माजी आमदार नरेंद्र पवार यांच्याविरोधात दाखल झालेल्या गुन्ह्याबाबत चित्रा वाघ यांना प्रश्न विचारण्यात आला. यावर बोलताना त्यांनी पोलिसांकडून निष्पक्ष तपास झाल्यास या प्रकरणातील सत्य समोर येईल, असं म्हटलं.
नरेंद्र पवार यांच्याविरोधातील गुन्ह्याच्या पार्श्वभूमीवर या प्रकरणाची चौकशी आणि पुढील कायदेशीर कारवाईकडे लक्ष लागलं आहे. तपासातून नेमकी काय माहिती समोर येते, याकडे राजकीय आणि स्थानिक स्तरावरही लक्ष आहे.
दरम्यान, गणेशोत्सवाच्या पार्श्वभूमीवर चित्रा वाघ यांच्या भिवंडी दौऱ्यात स्थानिक पदाधिकारी आणि कार्यकर्त्यांनी त्यांचं स्वागत केलं. यावेळी विविध विषयांवर चर्चा करण्यात आली.
