नाशिक जिल्ह्यातील सुरगाणा येथे अंगणवाडी मदतनीस नियुक्तीच्या प्रकरणात लाचलुचपत प्रतिबंधक विभागाने कारवाई केली आहे. मदतनीस पदावर नियुक्तीसाठी २० हजार रुपयांची मागणी केल्याचा आणि १० हजार रुपयांची लाच स्वीकारल्याचा आरोप पर्यवेक्षिका हेमलता गाढवे यांच्यावर आहे. या प्रकरणी सुरगाण्यातील बालविकास कार्यालयात एसीबीने कारवाई केली असून, गुन्हा दाखल करण्यात आल्याची माहिती देण्यात आली आहे.