नाशिक शहर आणि जिल्ह्यात पावसाळ्यात स्वाईन फ्लूचा प्रादुर्भाव वाढताना दिसत आहे.
आतापर्यंत जिल्ह्यात ४३ रुग्ण पॉझिटिव्ह आढळले आहेत.
यामध्ये नाशिक शहरातील ३०, तर ग्रामीण भागातील १३ रुग्णांचा समावेश आहे.
सध्या १२ रुग्णांवर विविध रुग्णालयांत उपचार सुरू आहेत.
तर २८ रुग्ण उपचारानंतर बरे झाले आहेत.
स्वाईन फ्लूमुळे आतापर्यंत ३ रुग्णांचा मृत्यू झाला असून, त्यापैकी दोघे दिंडोरी तालुक्यातील आहेत.
आरोग्य विभागाने ६८ हजारांहून अधिक नागरिकांचे स्क्रीनिंग केले आहे.
ताप, खोकला किंवा अंगदुखीसारखी लक्षणे असल्यास डॉक्टरांचा सल्ला घेण्याचे आवाहन करण्यात आले आहे.