प्रस्तावित वेळापत्रकानुसार, मुंबईतील छत्रपती शिवाजी महाराज टर्मिनस येथून ट्रेन रात्री आठ वाजून दहा मिनिटांनी सुटून दुसऱ्या दिवशी सकाळी अकरा वाजून पंचावन्न मिनिटांनी बेंगळुरूला पोहोचण्याची शक्यता आहे. या प्रवासासाठी सुमारे सोळा तास लागण्याचा अंदाज आहे.
या ट्रेनमध्ये एकूण सोळा वातानुकूलित डबे आणि आठशे तेवीस बर्थ असतील. यामध्ये अकरा थ्री-टियर एसी, चार सेकंड एसी आणि एका फर्स्ट एसी डब्याचा समावेश असल्याची माहिती आहे. संभाव्य थांब्यांमध्ये कल्याण, पुणे, सोलापूर, कलबुर्गी, रायचूर, गुंतकल आणि अनंतपूर या स्थानकांचा समावेश आहे.
थ्री-टियर एसीचे तिकीटदर सुमारे तीन हजार रुपये असण्याचा अंदाज वर्तवला जात आहे. मात्र, अंतिम भाडे, थांबे आणि वेळापत्रकासाठी रेल्वेच्या अधिकृत घोषणेची प्रतीक्षा करावी लागणार आहे.
