२०२७ च्या सिंहस्थ कुंभमेळ्याच्या पार्श्वभूमीवर ३१ ऑक्टोबर रोजी नाशिकमधील रामकुंडावर राष्ट्रपती द्रौपदी मुर्मू यांच्या उपस्थितीत ध्वजारोहण सोहळा पार पडणार आहे. या सोहळ्यासाठी राज्यपाल, मुख्यमंत्री, दोन्ही उपमुख्यमंत्री, मंत्रिमंडळातील अनेक मंत्री आणि सुमारे दीड हजार व्हीआयपी व उच्चपदस्थ अधिकारी नाशिकमध्ये उपस्थित राहणार आहेत. या दौऱ्याच्या पार्श्वभूमीवर शहरात कडेकोट पोलीस बंदोबस्त आणि विशेष वाहतूक नियोजन करण्यात आले आहे.