मुख्यमंत्री देवेंद्र फडणवीस आज नाशिक दौऱ्यावर आहेत. ग्रामविकास आणि पंचायतराज विभागाच्या वतीने आयोजित मुख्यमंत्री समृद्ध पंचायत राज अभियानाच्या पुरस्कार वितरण सोहळ्याला ते उपस्थित राहणार आहेत. आगामी सिंहस्थ कुंभमेळ्याच्या पार्श्वभूमीवर सुरू असलेल्या विकासकामांचा आढावा घेण्याचीही शक्यता आहे. गोदाकाठावरील कामांची संथ गती आणि ३१ ऑक्टोबरच्या ध्वजारोहण सोहळ्याच्या तयारीमुळे या दौऱ्याकडे नाशिकचे लक्ष लागले आहे.