आदिवासी विद्यार्थ्यांच्या विविध प्रलंबित मागण्यांसाठी नाशिकमध्ये आंदोलन सुरू असून, आदिवासी विकास भवनासमोर विद्यार्थ्यांचा गेल्या आठ दिवसांपासून ठिय्या सुरू आहे.
आश्रमशाळा आणि वसतिगृहांमध्ये विद्यार्थ्यांच्या सुरक्षेचा प्रश्न गंभीर असल्याचा मुद्दा आंदोलकांनी उपस्थित केला आहे. विद्यार्थ्यांच्या सुरक्षिततेसाठी प्रशासनाने तातडीने ठोस उपाययोजना कराव्यात, अशी प्रमुख मागणी करण्यात आली आहे.
आश्रमशाळा आणि वसतिगृहांमध्ये घडणाऱ्या गंभीर घटनांना जबाबदार असलेल्या अधिकारी आणि संबंधित यंत्रणांवर कठोर कारवाई करावी, अशी मागणीही विद्यार्थ्यांनी केली आहे.
तसेच मृत विद्यार्थ्यांच्या कुटुंबीयांना योग्य नुकसानभरपाई द्यावी आणि विद्यार्थ्यांच्या शिक्षणाची हमी सरकारने घ्यावी, अशी मागणी आंदोलनातून करण्यात आली आहे.
आदिवासी विद्यार्थ्यांच्या शैक्षणिक आणि संविधानिक हक्कांची तातडीने पूर्तता करण्यात यावी, अशीही भूमिका आंदोलकांनी मांडली आहे.
मागण्या मान्य होईपर्यंत आंदोलन सुरूच ठेवण्याचा ठाम इशारा विद्यार्थ्यांनी दिला आहे. त्यामुळे गेल्या आठ दिवसांपासून सुरू असलेल्या या आंदोलनाकडे प्रशासनाचे लक्ष लागले आहे.
आश्रमशाळांमधील विद्यार्थ्यांच्या सुरक्षिततेसह शिक्षण आणि मूलभूत हक्कांबाबत प्रशासनाने तातडीने निर्णय घ्यावा, अशी मागणी आंदोलकांकडून करण्यात येत आहे.
