नाशिक जिल्ह्यातील पिंपळगाव बसवंत येथे दोन पिकअप वाहनांची जोरदार धडक झाल्याची घटना समोर आली आहे. जोपुळ रोडवरील मार्केट रोडवर हा अपघात झाला असून, अपघाताचा थरार सीसीटीव्ही कॅमेऱ्यात कैद झाला आहे.
मिळालेल्या माहितीनुसार, मार्केट रोडवर दोन पिकअप वाहनांची धडक झाली. या अपघातात चालक किरकोळ जखमी झाल्याची माहिती आहे. वाहनांची धडक नेमकी कशी झाली, हे सीसीटीव्ही दृश्यांतून दिसून येत आहे.
या घटनेमुळे वाहन चालवताना वेगावर नियंत्रण ठेवण्याचे महत्त्व पुन्हा अधोरेखित झाले आहे. रस्त्यावरून प्रवास करताना वाहनचालकांनी सावधगिरी बाळगावी आणि वाहतुकीच्या नियमांचे पालन करावे, असे आवाहन करण्यात येत आहे.
