चौथ्या श्रावणी सोमवारी त्र्यंबकेश्वरकडे जाणाऱ्या भाविकांची गर्दी वाढल्याने सातपूर ते त्र्यंबक मार्गावर वाहतूक कोंडी झाली. संदीप फाऊंडेशनजवळ वाहनांच्या लांब रांगा लागल्या असून, भाविकांच्या गर्दीमुळे वाहतूक अत्यंत संथ झाली आहे.
त्र्यंबक महामार्गावर वाहनांची संख्या वाढल्याने चक्काजामसदृश परिस्थिती निर्माण झाली. त्र्यंबकेश्वरकडे जाणाऱ्या प्रवाशांना वाहतूक कोंडीचा सामना करावा लागत आहे.
चौथ्या श्रावणी सोमवारी भाविकांची मोठी गर्दी झाल्याने रस्त्यावर तासनतास वाहने अडकून पडली. वाहनांच्या वाढत्या संख्येमुळे वाहतूक सुरळीत ठेवण्याचे आव्हान निर्माण झाले आहे.
दरम्यान, पोलिसांकडून वाहतूक सुरळीत करण्याचे प्रयत्न सुरू आहेत. मात्र, मार्गावरील गर्दीमुळे प्रवाशांचे हाल होत आहेत.
