🚨 बापटांच्या तक्रारीनंतर संतोष चव्हाण पोलिसांच्या ताब्यात! | पुण्यात नेमकं काय घडलं? | Apla Nashik

पुण्यात महापालिकेच्या बैठकीदरम्यान झालेल्या वादानंतर संतोष चव्हाण यांच्यावर विद्यानंद बापट यांनी गंभीर आरोप केले आहेत. धमकी, शिवीगाळ आणि मारहाण केल्याप्रकरणी बापट यांच्या तक्रारीनंतर पोलिसांनी गुन्हा दाखल करत संतोष चव्हाण यांना ताब्यात घेतले आहे. तसेच दोन गटांमध्ये वाद निर्माण होईल, अशा प्रकारचे वक्तव्य केल्याचाही आरोप गुन्ह्यात समाविष्ट करण्यात आला आहे.

बैठकीदरम्यान झालेल्या वादानंतर संतोष चव्हाण यांना बैठकीतून बाहेर काढण्यात आले होते. त्यानंतर विद्यानंद बापट यांनी पोलिसांत तक्रार दाखल केली. या तक्रारीनंतर पोलिसांनी कारवाई करत संतोष चव्हाण यांना ताब्यात घेतले असून, प्रकरणाचा तपास सुरू आहे.

दरम्यान, विद्यानंद बापट यांच्या सुरक्षेच्या दृष्टीने २४ तास PSOसह चार पोलीस कर्मचारी तैनात करण्यात आले आहेत. या प्रकरणामुळे पुण्यातील राजकीय आणि प्रशासकीय वर्तुळात चर्चेला उधाण आले आहे.

या संपूर्ण प्रकरणातील पोलिसांची कारवाई, बापट यांच्या तक्रारीतील आरोप आणि पुढील घडामोडींची माहिती जाणून घ्या ‘आपलं नाशिक’च्या या बातमीत.

आपलं नाशिक | आपला आवाज