नाशिक जिल्ह्यातील सिन्नर तालुक्यातील डुंबरे गावात माजी सरपंच ज्ञानेश्वर ढोले यांच्यावर मारहाण झाल्याचा आरोप समोर आला आहे. या घटनेनंतर परिसरात एकच खळबळ उडाली असून, सोशल मीडियावर व्हायरल झालेल्या कथित व्हिडिओमुळे या प्रकरणाची मोठी चर्चा सुरू झाली आहे.
मारहाणीत जखमी झालेल्या ज्ञानेश्वर ढोले यांच्यावर सध्या सिव्हिल हॉस्पिटलमध्ये उपचार सुरू आहेत. घटनेची माहिती मिळताच सिन्नर पोलिसांनी प्रकरणाची नोंद घेत तपास सुरू केला आहे.
व्हायरल होत असलेल्या कथित व्हिडिओमुळे या घटनेबाबत विविध चर्चा रंगत असल्या तरी, नेमकी घटना कशामुळे घडली आणि त्यामागील कारण काय आहे, याबाबत अद्याप अधिकृत माहिती समोर आलेली नाही. पोलिसांकडून सर्व बाजूंची पडताळणी करण्यात येत असून तपासानंतरच संपूर्ण चित्र स्पष्ट होणार आहे.
या प्रकरणातील तपासातून पुढे कोणती माहिती समोर येते, याकडे स्थानिक नागरिकांचे लक्ष लागले आहे.
