श्रावण महिन्याच्या पार्श्वभूमीवर त्र्यंबकेश्वर येथे भाविकांची मोठ्या प्रमाणावर गर्दी होत आहे. या गर्दीदरम्यान काही तरुण पर्यटनाच्या नावाखाली मद्यप्राशन करून परिसरात गोंधळ घालत असल्याच्या तक्रारी पोलिसांकडे प्राप्त झाल्या होत्या.
या तक्रारींची दखल घेत त्र्यंबकेश्वर पोलिसांनी त्र्यंबकेश्वर आणि पहिने परिसरात विशेष मोहीम राबवली. मोहिमेदरम्यान संबंधित तरुणांवर कारवाई करण्यात आली. सार्वजनिक ठिकाणी अनुशासनभंग करणाऱ्यांवर पोलिसांनी कठोर भूमिका घेतल्याचे पाहायला मिळाले.
कारवाईदरम्यान पोलिसांशी उलटबाजी करणाऱ्या काही जणांनाही पोलिसांनी समज देत आवश्यक ती कारवाई केली. कायदा हातात घेण्याचा प्रयत्न करणाऱ्यांना पोलिसांकडून कठोर इशारा देण्यात आला.
श्रावण महिन्यात त्र्यंबकेश्वरात येणाऱ्या भाविकांच्या सुरक्षिततेला आणि परिसरातील कायदा व सुव्यवस्था अबाधित ठेवण्यासाठी ही विशेष मोहीम राबविण्यात आल्याचे समोर आले आहे. भाविकांच्या दर्शनात कोणताही अडथळा निर्माण होऊ नये तसेच धार्मिक स्थळाचे पावित्र्य कायम राहावे, यासाठी पोलिसांकडून परिसरात विशेष लक्ष ठेवले जात आहे.
