SIR प्रक्रियेच्या मुद्द्यावरून मुंबईत ठाकरे बंधूंकडून मोर्चाचे आयोजन करण्यात येणार आहे. या मोर्चाच्या पार्श्वभूमीवर भाजप आमदार प्रशांत ठाकूर यांनी उद्धव ठाकरे आणि राज ठाकरे यांच्यावर टीका केली आहे. ठाकरे बंधू आता केवळ बंधू राहिले आहेत, अशी प्रतिक्रिया ठाकूर यांनी दिली.
निवडणूक आयोगाच्या विशेष सघन मतदार यादी पुनरावलोकन म्हणजेच SIR प्रक्रियेवरून महाराष्ट्रातील राजकीय वातावरण तापलं आहे. राज ठाकरे आणि उद्धव ठाकरे यांच्या नेतृत्वाखाली ४ ऑक्टोबर रोजी मुंबईत जनमोर्चा काढण्यात येणार असल्याची माहिती समोर आली आहे. या मोर्चात विविध राजकीय पक्षांना सहभागी होण्याचे आवाहन करण्यात आले आहे.
याच पार्श्वभूमीवर भाजप आमदार प्रशांत ठाकूर यांनी ठाकरे बंधूंवर निशाणा साधला. मोर्चा काढून कर्माची फळं भोगण्यापासून पळता येणार नाही, अशी टीका त्यांनी केली. तसेच ठाकरे बंधू केवळ बंधू राहिले असल्याचं वक्तव्य ठाकूर यांनी केलं.
दरम्यान, SIR प्रक्रियेवरून सत्ताधारी आणि विरोधकांकडून वेगवेगळ्या भूमिका मांडल्या जात आहेत. मतदार यादीतील नावांबाबत आणि SIR प्रक्रियेबाबत विरोधकांकडून प्रश्न उपस्थित केले जात आहेत, तर या प्रक्रियेच्या समर्थनार्थ सत्ताधारी पक्षांकडून भूमिका मांडली जात आहे. त्यामुळे आगामी मोर्चाच्या पार्श्वभूमीवर महाराष्ट्राच्या राजकारणात आरोप-प्रत्यारोपांना आणखी धार येण्याची शक्यता आहे.
प्रशांत ठाकूर यांच्या या वक्तव्याची आता राजकीय वर्तुळात चर्चा सुरू झाली आहे. दरम्यान, ४ ऑक्टोबरच्या प्रस्तावित मोर्चात कोणते राजकीय पक्ष सहभागी होतात आणि या मोर्चाला कसा प्रतिसाद मिळतो, याकडे राजकीय वर्तुळाचं लक्ष लागलं आहे.
आपलं नाशिक | आपला आवाज
