पिंपरी-चिंचवडमधील देहू परिसरातील भंडारा डोंगरावर दीड वर्षांची एक चिमुकली एकटीच आढळून आल्याची घटना समोर आली आहे. या घटनेनंतर चिमुकलीच्या आई-बाबांचा शोध सुरू करण्यात आला असून, प्रशासन आणि पोलिसांकडून तिच्या कुटुंबाचा शोध घेण्यासाठी प्रयत्न केले जात आहेत.
सध्या या चिमुकलीवर वायसीएम रुग्णालयात उपचार सुरू आहेत. तिची प्रकृती आणि आवश्यक वैद्यकीय तपासण्यांची काळजी घेतली जात असून महिला पोलीस कर्मचारीही तिची आईसारखी देखभाल करत आहेत.
चिमुकलीला तिचे स्वतःचे नाव किंवा घरचा पत्ता सांगता येत नसल्याने तिच्या कुटुंबापर्यंत पोहोचणे हे प्रशासनासमोर मोठे आव्हान ठरत आहे. चिमुकलीच्या आई-बाबांचा शोध घेण्यासाठी संबंधित यंत्रणांकडून प्रयत्न सुरू आहेत.
या चिमुकलीला तिच्या कुटुंबापर्यंत सुरक्षितपणे पोहोचवण्यासाठी नागरिकांनीही सहकार्य करावे, असे आवाहन करण्यात आले आहे. या घटनेची माहिती अधिकाधिक लोकांपर्यंत पोहोचल्यास चिमुकलीच्या आई-बाबांचा शोध लागण्यास मदत होऊ शकते.
पिंपरी-चिंचवड | देहू
आपलं नाशिक | आपला आवाज
