सर्वोच्च न्यायालयाच्या निकालापूर्वी शिवसेना (उद्धव बाळासाहेब ठाकरे) पक्षाचे खासदार संजय राऊत यांनी केलेल्या वक्तव्यावरून राज्यातील राजकीय वातावरण पुन्हा तापले आहे. सांगली येथे माध्यमांशी संवाद साधताना उद्योगमंत्री उदय सामंत यांनी राऊतांवर न्यायालयावर दबाव आणण्याचा प्रयत्न केल्याचा आरोप केला.
उदय सामंत यांनी न्यायव्यवस्थेवर पूर्ण विश्वास असल्याचे सांगत, न्यायालयाच्या निकालापूर्वी अशा प्रकारची विधाने करणे योग्य नसल्याचे मत व्यक्त केले. तसेच न्यायालयाच्या प्रक्रियेचा सर्वांनी आदर राखला पाहिजे, असेही त्यांनी नमूद केले.
यावेळी 'गद्दार' या शब्दाच्या वापरावरूनही सामंत यांनी संजय राऊत यांच्यावर टीका केली. २०१९ नंतर महाराष्ट्रातील राजकीय घडामोडींचा उल्लेख करत त्यांनी राऊतांच्या भूमिकेवर प्रश्नचिन्ह उपस्थित केले.
या वक्तव्यानंतर राज्यातील राजकीय आरोप-प्रत्यारोपांना पुन्हा वेग आला असून, सर्वोच्च न्यायालयाच्या निकालाकडे आणि त्यानंतरच्या राजकीय घडामोडींकडे सर्वांचे लक्ष लागले आहे.
