नाशिकच्या मुंबई नाका ते काठे गल्ली मार्गावर फेरीवाल्यांच्या अतिक्रमणामुळे वाहतुकीची समस्या गंभीर झाली आहे.
रस्त्याच्या दुतर्फा बेशिस्त पार्किंग आणि रस्त्यावर सुरू असलेल्या विक्रीमुळे कोंडी होत आहे.
विशेषतः संध्याकाळच्या वेळी या मार्गावर वाहनांची मोठी गर्दी पाहायला मिळते.
फेरीवाल्यांनी रस्त्यावरच दुकाने थाटल्याने वाहनचालकांना मार्ग काढताना अडचणी येत आहेत.
द्वारका परिसरातील उड्डाणपुलाच्या कामामुळे हा मार्ग आधीच वाहतुकीसाठी महत्त्वाचा ठरला आहे.
त्यातच अतिक्रमणामुळे वाहतुकीचा ताण आणखी वाढला आहे.
भाजीपाला विक्रेत्यांकडून रस्त्यावर कचरा टाकला जात असल्याने दुर्गंधीचाही त्रास होत आहे.
अतिक्रमण आणि बेशिस्त पार्किंगवर तातडीने कारवाई करण्याची मागणी नागरिकांकडून होत आहे.