दसरा आणि सणासुदीच्या काळात झेंडूच्या फुलांना चांगला भाव मिळेल, अशी अपेक्षा असलेल्या येवल्यातील शेतकऱ्यांची निराशा झाली आहे. झेंडूला किलोमागे अवघे १५ ते २० रुपये दर मिळत असल्याने लागवडीचा खर्च भरून काढणंही कठीण झालं आहे. सोयाबीनच्या नुकसानीनंतर आता झेंडूच्या दरातील घसरणीचा फटका फूल उत्पादकांना बसत आहे. दुष्काळी परिस्थितीत शेतकऱ्यांना आर्थिक मदतीची अपेक्षा आहे.