नाशिक : आगामी सिंहस्थ कुंभमेळ्याच्या पार्श्वभूमीवर रामकुंड परिसरात नव्याने उभारण्यात आलेल्या ध्वजस्तंभांवरील पितळी वस्तू चोरीला गेल्याची घटना समोर आली आहे. ध्वजस्तंभांचे काम पूर्ण झाल्यानंतर ही चोरी झाल्याने परिसरातील सुरक्षेचा प्रश्न ऐरणीवर आला आहे.
रामकुंड परिसरातील ध्वजस्तंभांवरील पितळी वस्तू चोरट्यांनी लंपास केल्याची माहिती समोर आली आहे. ध्वजारोहण सोहळ्यापूर्वीच ही घटना उघडकीस आल्याने परिसरात खळबळ उडाली आहे. आगामी सिंहस्थ कुंभमेळ्याच्या तयारीदरम्यान धार्मिक स्थळांच्या सुरक्षेबाबतही चिंता व्यक्त केली जात आहे.
रामकुंड परिसरात सुरक्षा रक्षक नेमण्यात यावेत, अशी मागणी नागरिकांकडून केली जात आहे. सिंहस्थ कुंभमेळ्याच्या पार्श्वभूमीवर महत्त्वाच्या धार्मिक स्थळांच्या सुरक्षेकडे लक्ष देण्याची गरज या घटनेमुळे अधोरेखित झाली आहे.
