नाशिकच्या द्वारका चौकातील अंडरपासच्या कामामुळे गेल्या चार महिन्यांपासून वाहतूक कोंडीचा प्रश्न निर्माण झाला आहे.
नाशिक-धुळे मार्गावरील वाहतूक पर्यायी मार्गाने वळवण्यात आली आहे.
त्यामुळे काटेमळा, भामानगर, वडाळा रोड, इंदिरानगर आणि मुंबई नाका परिसरात वाहतुकीचा ताण वाढला आहे.
या पार्श्वभूमीवर कुंभमेळा प्राधिकरण, महापालिका आणि पोलिस प्रशासनाच्या अधिकाऱ्यांनी संयुक्त पाहणी केली.
अंडरपासच्या कामाला गती देण्याचे निर्देश अधिकाऱ्यांनी दिले आहेत.
३१ ऑगस्टपर्यंत नाशिक-धुळे मार्ग खुला करण्याचे लक्ष्य निश्चित करण्यात आले आहे.
मार्ग खुला झाल्यानंतर द्वारका चौकासह शहरातील प्रमुख मार्गांवरील वाहतुकीचा ताण कमी होण्याची अपेक्षा आहे.
त्यामुळे गेल्या काही महिन्यांपासून वाहतूक कोंडीचा सामना करणाऱ्या वाहनचालकांना मोठा दिलासा मिळण्याची शक्यता आहे.