नाशिकच्या प्रभाग क्रमांक १५ मधील भाभानगर परिसरात शेकडो वर्षे जुन्या विशाल वृक्षाच्या संभाव्य तोडीवरून नागरिक संतप्त झाले आहेत. निकुलेस बिल्डिंगसमोरील हा वृक्ष परिसराची ओळख मानला जात असून, कोणत्याही परिस्थितीत तो तोडू देणार नसल्याचा निर्धार नागरिकांनी व्यक्त केला आहे. वाढत्या बांधकामांमुळे शहरातील जुने वृक्ष कमी होत असताना या वृक्षाच्या तोडीची चर्चा सुरू झाल्याने पर्यावरणप्रेमी नागरिक आक्रमक झाले आहेत. प्रशासनाने या वृक्षाची तातडीने पाहणी करून वृक्षतोडीसाठी परवानगी देण्यात आली आहे का, याबाबत स्पष्टता करावी, अशी मागणी करण्यात आली आहे. विकासाच्या नावाखाली नैसर्गिक वारसा नष्ट करू नये, अशी भूमिका नागरिकांनी घेतली आहे. वृक्षतोडीचा प्रयत्न झाल्यास तीव्र आंदोलन करण्याचा इशाराही स्थानिक नागरिकांनी दिला आहे