नाशिक शहरातील प्रस्तावित रिंगरोडला विरोध करत रिंगरोडबाधित शेतकरी आणि नागरिकांकडून सुरू असलेले ठिय्या आंदोलन अखेर मागे घेण्यात आले आहे. नाशिकच्या इंदिरानगर पोलीस ठाण्याच्या परिसरात गेल्या तीन दिवसांपासून हे आंदोलन सुरू होते. पालकमंत्री गिरीश महाजन यांनी आंदोलकांची भेट घेऊन आश्वासन दिल्यानंतर आंदोलन स्थगित करण्यात आले.
रिंगरोड प्रकल्पामुळे बाधित होणाऱ्या शेतकरी आणि नागरिकांच्या विविध मागण्यांबाबत आंदोलकांकडून भूमिका मांडण्यात आली होती. त्यांच्या मागण्यांवर सरकारच्या पातळीवर चर्चा केली जाईल, तसेच मुख्यमंत्री देवेंद्र फडणवीस यांच्यासोबत आंदोलकांची चर्चा घडवून आणण्याचे आश्वासन पालकमंत्री गिरीश महाजन यांनी दिले.
दरम्यान, या संपूर्ण प्रकरणावर मुख्यमंत्री देवेंद्र फडणवीस यांनीही नाशिकमधील भक्तीपीठावरील कार्यक्रमातून स्पष्टीकरण दिले. रिंगरोडबाधित शेतकरी आणि नागरिकांच्या मागण्यांबाबत सरकारची भूमिका काय आहे, तसेच प्रकल्पासंदर्भात पुढील निर्णय कसा घेतला जाणार, याकडे आता सर्वांचे लक्ष लागले आहे.
रिंगरोडच्या प्रस्तावामुळे बाधित होणाऱ्या शेतकऱ्यांच्या जमिनी, प्रकल्पाबाबतच्या मागण्या आणि आंदोलनाच्या पार्श्वभूमीवर सरकारकडून पुढे कोणती भूमिका घेतली जाते, हे महत्त्वाचे ठरणार आहे.
रिंगरोड आंदोलन का करण्यात आले? आंदोलकांच्या नेमक्या मागण्या काय आहेत? पालकमंत्री गिरीश महाजन यांनी कोणते आश्वासन दिले आणि मुख्यमंत्री देवेंद्र फडणवीस यांनी काय स्पष्टीकरण दिले? जाणून घ्या संपूर्ण बातमी.
