नाशिक जिल्ह्यातील वाडीवऱ्हे परिसरातून हृदयद्रावक घटना समोर आली आहे. डोहात बुडणाऱ्या मुलाला वाचवण्यासाठी वडिलांनी पाण्यात उडी घेतली. मात्र, पाण्याच्या प्रवाहाचा अंदाज न आल्याने बाप-लेकाचा बुडून मृत्यू झाल्याची घटना घडली आहे. या घटनेमुळे परिसरात हळहळ व्यक्त केली जात आहे.
मिळालेल्या माहितीनुसार, १४ वर्षीय श्री सोनवणे हा डोहातील पाण्यात बुडत असल्याचे लक्षात आल्यानंतर त्याचे वडील ४८ वर्षीय संजय सोनवणे यांनी मुलाला वाचवण्यासाठी पाण्यात उडी घेतली. मात्र, पाण्याचा प्रवाह आणि परिस्थितीचा अंदाज न आल्याने दोघेही पाण्यात बुडाले.
या दुर्घटनेत संजय सोनवणे आणि त्यांचा मुलगा श्री सोनवणे यांचा दुर्दैवी मृत्यू झाला. मुलाला वाचवण्याच्या प्रयत्नात वडिलांनी स्वतःचा जीव गमावल्याने या घटनेने परिसरातील नागरिकांमध्ये शोककळा पसरली आहे.
घटनेची माहिती मिळताच संबंधित यंत्रणेकडून घटनेची नोंद घेण्यात आली. या दुर्घटनेनंतर पाणवठे, डोह आणि नदी परिसरात जाताना नागरिकांनी विशेष काळजी घ्यावी, असे आवाहन करण्यात येत आहे. पाण्याचा प्रवाह, खोली आणि सुरक्षिततेचा अंदाज न घेता पाण्यात उतरणे टाळावे, याबाबतही जनजागृतीची गरज अधोरेखित झाली आहे.
वाडीवऱ्हे परिसरातील या दुर्दैवी घटनेमुळे सोनवणे कुटुंबावर दुःखाचा डोंगर कोसळला असून, परिसरातून हळहळ व्यक्त करण्यात येत आहे. या घटनेची अधिक माहिती आणि पुढील घडामोडींसाठी पाहत राहा आपलं नाशिक | आपला आवाज.
