आगामी सिंहस्थ कुंभमेळ्याच्या पार्श्वभूमीवर नाशिकमध्ये पायाभूत सुविधांच्या विकासाला वेग आला आहे. साधू-महंत आणि भाविकांच्या निवास व्यवस्थेसाठी महापालिकेच्या स्थायी समितीने महत्त्वाच्या प्रस्तावाला मंजुरी दिली आहे.
श्री दिगंबर आखाडा आणि त्याच्याशी संलग्न आखाड्यांच्या परिसरात निवास सुविधा विकसित करण्यासाठी ३ कोटी २८ लाख ५७ हजार ७६८ रुपयांच्या खर्चाला मंजुरी देण्यात आली आहे.
सिंहस्थ कुंभमेळ्यादरम्यान नाशिकमध्ये देशभरातून साधू-महंत आणि भाविक दाखल होणार आहेत. त्यामुळे त्यांच्या निवासासह आवश्यक सुविधांचे नियोजन करणे प्रशासनासाठी महत्त्वाचे आहे. या पार्श्वभूमीवर आखाडा परिसरातील निवास सुविधांच्या विकासासाठी मंजूर झालेला निधी महत्त्वाचा मानला जात आहे.
आगामी कुंभमेळ्यासाठी विविध पायाभूत सुविधांची कामे हाती घेतली जात असून, संबंधित कामांची अंमलबजावणी आणि पूर्तता याकडे लक्ष राहणार आहे.
