दिल्लीतील जंतर-मंतर येथे आंदोलन करणाऱ्या विद्यार्थ्यांवर झालेल्या कथित लाठीचार्जच्या निषेधार्थ मनमाड सिटी बार असोसिएशनने आंदोलनाचा निषेध नोंदवला. यावेळी नाशिक जिल्हाधिकारी आणि नांदगाव तहसीलदार यांना निवेदन देऊन संबंधित पोलिस अधिकारी व जबाबदारांवर कठोर कारवाई करण्याची मागणी करण्यात आली.
बार असोसिएशनच्या पदाधिकारी आणि सदस्यांनी शांततापूर्ण आंदोलन हा प्रत्येक नागरिकाचा घटनात्मक अधिकार असल्याचे नमूद केले. आंदोलन करणाऱ्या विद्यार्थ्यांवर झालेल्या कथित कारवाईची निष्पक्ष चौकशी करून दोषींवर योग्य ती कारवाई करावी, अशी मागणी निवेदनातून करण्यात आली.
निवेदनात लोकशाही व्यवस्थेत नागरिकांना शांततेच्या मार्गाने आपली भूमिका मांडण्याचा अधिकार असल्याचे अधोरेखित करण्यात आले आहे. या अधिकाराचे संरक्षण करणे ही प्रशासनाची जबाबदारी असल्याचेही नमूद करण्यात आले.
मनमाड सिटी बार असोसिएशनने संबंधित प्रकरणात योग्य ती कार्यवाही करण्याची मागणी प्रशासनाकडे केली असून, या विषयाकडे गांभीर्याने लक्ष देण्याचे आवाहनही करण्यात आले आहे.
